1 Panginoo't Amang mahal
Ng sangkatauhan,
Patawari't ituwid Mo
Isip nami't kabuhayan,
Sa puri't paggalang.

2 Gaya nilang nakarinig,
Sa may dagat Sirya,
Ng panawagan ni Jesus,
Ay tularan natin sila,
Sumunod sa Kanya.

3 Kapahingahang Sabado
Sa Galileang mahal!
Doon lumuhod si Jesus
Upang ikaw'y bahaginan,
Kanyang pagmamahal.

4 Hamog ng katahimika'y
Iyong papatakin,
Dusa't hirap ng kalul'wa'y
Iyo na sanang pawiin,
Buhay pagandahin.

5 Ang alab ng aming nasa'y
Iyong palamigan;
Ang pandama'y pamanhirin,
Ang laman ay sawatain
Ng tinig Mong akin.