1 Tulad sa ama kung tumingin
Sa isang anak na nagtataksil,
Anumang sama, anumang itim
Ang ating sala ay lilinisin.

2 Tulad sa ama kung tumanggap
Sa alibughang lumayong anak,
Ang dibdib niya'y palaging bukas
Ang kanyang kamay ay nakaunat.

3 Tulad sa ama kung dumamay
Sa kanyang anak na minamahal,
Binabantayan kung naliligaw
At inaakay sa wastong daan.

4 Tulad sa ama kung mahabag
Sa anak niyang napalilingap,
Puso'y malambot sa tumatawag
Di nagmamaliw hanggang sa wakas.