Agragsak ita toy puso,
Kantaannat' Mannubbotko;
Ammonat' kinakapuyko;
Asina ti nalakamko;
Nagdanonan ti ayatna,
Kasta met ti kaasina.

 

 

 

 

 

 

 

Ammmona a nadamsakak,
Ngem kaskasdi inayatnak;
Darana ti naibuyat,
Tapno maispal kararuak;
Nagdakkelen ti ayatna,
Kararuak ti sinubbotna.

 

 

 

 

 

 

 

Adu unay kabusorko,
Mangyawawan ti dalanko,
Nupay kasta diak aglimdo,
Likudanna surotekto;
Kinayawannak ayatna,
Ayatna ingget samitna.

 

 

 

 

 

 

 

No umay kaniak ti rigat,
Ket umadu ti dandanag;
Arpadna diakto sumina,
Agtalekak 'ti pigsana;
Ammona ti masapulko,
Ket isu, tulongannakto.

 

 

 

 

 

 

 

Ket inton ti ari umay,
Mangala 'ti tattaonan,
Kankantaktot' di agsarday,
Innak Kenkuana pagsayaw;
Nagsamiten ti ayat na,
Ayat awan patinggana.