Ni Cristo isut' natibker a bato,
A pagkamangan dagiti sasanto,
Awawaganna ti tumunggal maysa,
Tapno isu koma ti pagtalkanna,
Ket pannakapukaw maliklikanna.

 

 

 

 

 

 

 

"Dika agbuteng, wenno agkullayaw,
Siak ti Diosmo a kenka mangidalan;
Itdekto kenka ti pigsa ken badang,
Iti inka pannakidangdangadang,
Ket balligi inkanto magunodan."

 

 

 

 

 

 

 

"No 'ti nauneg a danum magnaka,
Ayus ni liday lapunosennaka,
Dika agdanag, addaakto kenka,
Dayta rigatmo inkanto badangan,
Ken uray anianto a pagpeggadam."

 

 

 

 

 

 

 

"Ket no da suut umaydanto kenka,
Dika agbuteng addaak ta din na;
Ti apuy ni tuok awan gawayna
Ta no isu amin ituredmonto
Mapasudinto unay dayta biagmo."

 

 

 

 

 

 

 

"Siasinoman nga agtalek Kenkuana,
Diakto baybayan pakarigatanna;
Siakto kenkuana ti mangikanawa,
Uray kaanoman diakto baybayan,
Agnanayon nga innakto aywanan."