1
Sa saro na semana ay inihatod kita
Nganing makapagsamba sa satuyang Dios Ama;
Sa aldaw Niyang banal kita magpisanpisan
Sa laog nin simbahan tanganing magawitan.
2
Hagaron tang dagdagan biyayang kaipuhan
Tanganing sa kasalan lubos na malinigan;
Asin mahingaloan sa gabat nin kasalan
Patin makapagomaw na igwang kaogmahan.
3
Sa banal Mong atuban kami nananambitan
Awot pang mamatean iyan kaktiwasayan;
Lawog Mo ipatanaw asin kami ibahan
Na'n ogma ay makamtan na daing katapusan.
4
Awot pa'n ebanghelyo maihayag na gayo
Na sa Dios na totoo mangagbalik an tawo;
Siring kitang gomibo kun aldaw na Sabado
Na maghigos itokdo an tawo sa ki Kristo.
